INFORMATIVA cunforma a s’artìculu 13-14 de su Regulamentu 2016/679

Impitadore/a Garbosu/a

Su Titulare de su tratamentu, cunforma a sa normativa in matèria de protetzione de is datos personales (Regulamentu (UE) 2016/679, D. Lgs. 196/2003 e D. Lgs. 101/2018) ti bolet acrarire a manera simple e crara

1. pro ite tratamus is datos personales tuos;
2. cales sunt is datos personales chi tratamus;
3. chie tratat is datos personales tuos;
4. comente tratamus is datos personales tuos e pro cantu tempus los chistimus;
5. comente podes esercitare is diritos tuos pro su chi atenet su tratamentu de is datos personales.

Titulare de su tratamentu est sa Regione Autònoma de Sardigna, in sa persone de su Rapresentante Legale suo, su Presidente de sa Regione Sardigna pro tempore - presidenza@pec.regione.sardegna.it
Custa est un’Informativa a caràtere generale e ddas a pòdere castiare in su situ istitutzionale in intro de sa pàgina dedicada. Si consìgiat de compidare cun regularidade is agiornamentos disponìbiles.
Cun deliberatzione de sa Giunta Regionale n. 51/3 de su 16.10.2018 su Presidente de sa Regione at delegadu is masiones e is funtziones de su Titulare de su tratamentu a is Diretores generales cumpetentes pro cada matèria.
Cunforma a is incàrrigos assinnados dae su Titulare, cada Diretzione at a dislindare is informatziones chi ti pertocant pro mèdiu de informativas ispetzìficas chi t’ant a dare a ischire in antis de su cumentzu de su tratamentu.

PRO ITE SA REGIONE SARDIGNA/Agentzia/ente TRATAT IS DATOS TUOS
Is datos personales tuos sunt tratados, sena netzessidade de achirire su cunsensu tuo, pro is finalidades chi sighint:

• acumprire is funtziones amministrativas, tècnicas e de averiguamentu cunforma a is mandos istitutzionales assinnados dae sa lege;
• acumprire is òbligos prevìdidos dae sa lege, dae unu Regulamentu, dae sa normativa comunitària o dae un' òrdine de s’Autoridade;
• pro ti permìtere de gosare de is servìtzios chi as pedidu;
• pro inghitzare e gestire su raportu de traballu;
• pro pòdere esercitare is diritos de su Titulare, pro esempru, in sede giuditziària;
• pro atividade de informatzione e comunicatzione istitutzionale.
  Petzi a pustis de su cunsensu tuo, pro is àteras finalidades chi sighint:
• pro t’imbiare e-mail cun sondàgios de agradu e pro parres, newsletter e/o invitos a eventos o pro t’iscrìere a eventos de is cales est parte o chi organizat su Titulare o pro permìtere una comunicatzione direta cun tegus.

Base giurìdica de su tratamentu

Tratamus is datos tuos a manera lìtzita:

• ca serbit pro s'acumprimentu de unu cuntratu de su cale ses parte, che a interessadu o ca est netzessàriu pro s'esecutzione de misuras precontratuales adotadas a segus de una rechesta Tua - art. 6 paràgrafu, lit. b) de su Regulamentu;
• ca est netzessàriu pro s'acumprimentu de un'òbligu legale a su cale est sugeta sa Regione Autònoma de Sardigna, in calidade de titulare de su tratamentu: art. 6, paràgrafu 1, lit. c) de su Regulamentu;
• ca est netzessàriu pro s’esecutzione de un’incàrrigu de interessu pùblicu o acapiadu a s’esercìtziu de poderios pùblicos de sa Regione Sardigna, in calidade de titulare de su tratamentu - art. 6, paràgrafu 1 lit. e) de su Regulamentu;
• ca as acraradu su cunsensu a su tratamentu de is datos personales tuos – art. 6, paràgrafu 1, lit. a)

CALES DATOS TRATAT SA REGIONE SARDIGNA
In s’acumprimentu de is funtziones suas e pro is finalidades indicadas su Titulare tratat is datos chi sighint:

• datos personales, rapresentados dae cale si siat informatzione chi pertocat a sa persone fìsica, identificada o de identificare, a manera direta o indireta, cun riferimentu a cale si siat àtera informatzione, finas cun unu nùmeru de identificatzione personale (es. nùmene, sambenadu, indiritzu de residèntzia, indiritzu e-mail, nùmeru de telèfonu;
• categorias particulares de datos personales: cunforma a sa disciplina prevìdida dae is artìculos 9 e 10 de su Regulamentu UE n. 2016/679, tratamus is datos cunsiderados comente “categorias particulares de datos personales”, est a nàrrere is datos chi faghent a ischire s’orìgine ratziale o ètnica, su parre polìticu, is cumbinchimentos religiosos o filosòficos, o s’apartenèntzia sindacale, datos chi atenent sa salude o sa vida sessuale o s’orientamentu sessuale de sa persone” e datos giuditziàrios;
• datos personales leados dae documentos atzessìbiles a su pùblicu o achiridos dae tene a manera non direta; in custa ipòtesi t’at a èssere indicada sa fonte dae ue sunt essidos is datos.

Su bonu de is datos chi t'ant pedidu bolent dados a manera obligatòria ca serbint pro frunire su servìtziu chi as pedidu e, semper e cando, pro s'acumprimentu de is finalidades istitutzionales assinnadas dae sa lege. Pro s’Ente su refudu de frunire is datos obligatòrios cajonat s’impossibilidade de esecutare is servìtzios e is masiones pro is cales custos datos sunt netzessàrios.
Pro su cunferimentu de àteros datos indicados a manera crara comente facoltativos serbit su cunsensu craru cosa tua, chi as a pòdere revocare in cale si siat momentu, faghende opositzione de su totu o in parte a su tratamentu.

CHIE TRATAT IS DATOS TUOS
Pro is obietivos comunicados, is datos tuos ant a pòdere èssere atzessìbiles a:

• dipendentes e/o collaboradores de su Titulare, in calidade de autorizados a su tratamentu e/o amministradores de sistema;
• amministratziones pùblicas e sugetos tertzos (lìberos professionistas, sotziedades) a is cales ant afidadu sa frunidura de servìtzios pro contu de su Titulare, in calidade de responsàbiles de su tratamentu.

Is datos tuos si podent comunicare o finas pònnere a disponimentu, sena bisòngiu de su cunsensu tuo, a òrganos de controllu, fortzas de s’òrdine o magistradura, àteras amministratziones pùblicas in is casos prevìdidos pro finalidades istitutzionales e in calidade de titulares autònomos de su tratamentu. Is datos tuos los podent tratare organismos de audit e de controllu de s’Unione Europea, natzionales e regionales s’in casu siat prevìdidu dae sa normativa in vigèntzia.
Unos cantos datos personales devenint pùblicos pro finalidades de trasparèntzia o de publitzidade legale cando ddu previdet sa lege.

COMENTE TRATAMUS IS DATOS TUOS E LOS CHISTIMUS
Su tratamentu de is datos personales tuos est fatu cun modalidades eletrònicas e in pabiru pro mèdiu de operatziones de regorta, registratzione, organizatzione, chistida, consultatzione, elaboratzione, mudadura, sèberu, estratzione, cunfrontu, impreu, interconnessione, blocu, comunicatzione, burradura e destruimentu de is datos.
Su Titulare no impitat perunu protzessu de sèberu automatizadu. S’incapas su tratamentu previdat unu protzessu de sèberu automatizadu, incluida sa profilatzione, su Titulare t’at a informare a pitzu de sa lògica impitada e de is cunsighèntzias de su tratamentu pro s’interessadu cun una informativa dislindada.

PRO CANTU TEMPUS CHISTIMUS IS DATOS TUOS
Sa Regione at a tratare is datos personales tuos pro su tempus chi serbit pro acumprire is finalidades comunicadas a tie e semper e cando cunforma a is critèrios apostivigados in antis, chi ti los ant a comunicare in s’àmbitu de is tratamentos dislindados.

TRASFERIMENTU DE DATOS IN ÀTEROS PAISOS
S’incapas acuntessat unu trasferimentu de is datos tuos in Paisos extra UE ti l’ant a comunicare cun una informativa dislindada.

COMENTE PODES ESERCITARE IS DIRITOS TUOS PRO SU CHI PERTOCAT SU TRATAMENTU DE IS DATOS PERSONALES
Sa Regione Autònoma de Sardigna ti informat chi, sende sugetu interessadu, si non bi sunt is limitatziones prevìdidas dae sa lege, tenes diritu de connòschere su tratamentu de is datos personales tuos, pro custu tenes diritu de:- otènnere sa cunfirma de s’esistèntzia o nono de is datos personales tuos, fintzas si non sunt galu registrados e chi custos datos siant postos a disponimentu Tuo a manera chi si potzant cumprèndere;

• otènnere indicos e, s’incapas, còpia:
  a) de s’orìgine e de sa categoria de is datos personales;
  b) de sa lògica aplicada in casu de unu tratamentu fatu cun s’agiudu de istrumentos eletrònicos;
  c) de is finalidades e modalidades de su tratamentu;
  d) de is estremos identificativos de su Titulare e de is Responsàbiles;
  e) de is sugetos o de is categorias de sugetos a is cales is datos personales tuos si potzant comunicare o chi los potzant connòschere, prus a notu si sunt destinatàrios de Paisos tertzos o organizatziones internatzionales;
  f) cando si podet, de sa purrata de chistida de is datos o sinono de is critèrios impitados pro determinare cussa purrata;
  g) de s’esistèntzia de unu protzessu de sèberu automatizadu, incluida sa profilatzione, e si est gasi de is lògicas impitadas, de s’importàntzia e de is cunsighèntzias prevìdidas pro Tene, in calidade de interessadu;
  h) de s’esistèntzia de garantzias adeguadas s’incapas bi siat trasferimentu de is datos tuos a unu Paisu extra UE o a una organizatzione internatzionale;
• otènnere, sena ritardu ingiustificadu, s’agiornamentu e sa retìfica de is datos isballiados o sinono, si interessados, s’integratzione de is datos non cumpletos;
• revocare in cada momentu is cunsensos dados, cun simplesa, sena impèigos, impitende, si si podet, is matessi canales impreados pro los frunire;
• otènnere sa burradura, sa trasformatzione in forma anònima o su blocu de is datos tratados a manera illìtzita chi non serbint prus cunforma a is punnas pro is cales los ant collidos o tratados, a pustis o in casu apat revocadu su cunsensu chi est a fundamentu de su tratamentu e in casu chi non bi siat àteru fundamentu giurìdicu, si in casu mai ti sias opostu a su tratamentu e non bi siat motivu legìtimu prevalente perunu pro sighire su tratamentu, in casu de acumprida de un’òbligu legale;
• otènnere sa limitatzione de su tratamentu s’incapas bi siat:
  a) cuntestatzione de datos personales isballiados;
  b) tratamentu illìtzitu de su Titulare pro nde impeigare sa burradura;
  c) esercìtziu de unu diritu Tuo in sede giuditziària;
• averiguada de una prevalèntzia dàbile de is motivos legìtimos de su Titulare cunforma a is diritos tuos;
• retzire, sena impèigos e in unu formadu istruturadu, de impreu comune e chi si potzat lèghere, si in casu mai su tratamentu siat fatu cun mèdios automàticos, is datos personales chi Ti pertocant pro los trasmìtere a àteru Titulare o, si si podet fàghere in pràtica, otènnere sa trasmissione direta dae un’àteru Titulare;
• a s’opònnere, de su totu o in parte:
  a) pro motivos legìtimos, a su tratamentu de is datos personales tuos, mancari chi siant de pertinèntzia a sa punna de sa regorta;
  b) a su tratamentu de is datos personales tuos, pro s’inviu de materiale publicitàriu o de bèndida direta o pro fàghere chircas de mercadu o de comunicatzione cummertziale, cun s’impreu de sistemas automatizados de mutida sena s’interventu de un’operadore, pro mèdiu de e-mail e/o de formas de marketing traditzionales cun su telèfonu e/o posta in pabiru;
• propònnere reclamu a s’Autoridade Garante pro s’Amparu de is datos personales. In is casos mentovados in subra, ue b’at bisòngiu, sa Regione Autònoma de Sardigna, in calidade de Titulare, at a informare is sugetos tertzos, a is cales is datos personales tuos sunt comunicados, de s’esercìtziu dàbile de is diritos dae banda Tua, francu in casos pretzisos (es. cando cussa acumprida non siat possìbile o bi chèrgiat unu impreu de mèdios isproportzionadu a manera crara rispetu a su diritu tuteladu).

Podes esercitare is diritos tuos inviende a su Titulare de su tratamentu:

• una racumandada A.R. – una PEC – una e-mail.

Si podet impitare su modellu dedicadu chi est a disponimentu in su situ istitutzionale de sa Regione Autònoma de Sardigna in sa setzione – Documentos e normativa/modellu pro s’esercìtziu de is diritos interessados o incarchende in su link imbeniente https://www.regione.sardegna.it/regione/strutture-di-garanzia/responsabile-protezione-dati/documenti-e-normativa
S’indiritzu a su cale trasmìtere sa rechesta ti l’ant a indicare in s’informativa chi as a lèghere cando is datos tuos ant a èssere tratados. Si non b’at a èssere s’indiritzu piessinnadu as a pòdere preguntare a is indiritzos de su Titulare o de su RPD indicados in custa informativa.

Pro informatziones subra is diritos tuos in matèria de amparu de is datos personales podes cuntatare su Responsàbile pro s’amparu de is datos de sa Regione Autònoma de Sardigna a custos indicos:
arburada de Trieste 186 – 09123 Casteddu
telèfonu +39 070 6065735
e-mail: rpd@regione.sardegna.it
PEC: rpd@pec.sardegna.it